پیر 18 نومبر 2024, 11:37 صبح
پشاور(اُمت نیوز)وزیراعلیٰ ہاؤس پشاور میں الجہاد الجہاد کے نعرے لگ گئے۔
ورکرز اجلاس کے دوران وزیراعلی علی امین گنڈاپور نے جب کہا کہ ہم نے عمران خان کی رہائی بغیر واپس نہیں آنا تو کارکنوں نے نعرے لگانا شروع کردیے۔
پی ٹی آئی کارکنان کافی دیر تک ’’سبیلنا سبیلنا الجہاد الجہاد اور انقلاب آئے گا‘‘ کے نعرے لگاتے رہے۔
کارکنوں کی جانب سے نعرے بازی کے دوران وزیراعلیٰ خیبر پختونخوا علی امین گنڈاپور نے بھی نعرے بازی میں حصہ لیا۔
علی امین گنڈاپور نے پی ٹی آئی کارکنوں کے ساتھ ملکر عمران تیرے جنثار بے شمار بے شمار کے نعرے لگوائے۔
واضح رہے کہ تحریک انصاف نے 24 نومبر کو اسلام آباد میں احتجاج کا اعلان کررکھا ہے جس کیلئے ملک بھر سے کارکنان کو وفاقی دارالحکومت پہنچنے کا کہا گیا ہے۔
