چیف جسٹس آف پاکستان جسٹس یحییٰ آفریدی نے وکلاء کی پیشہ وارانہ تربیت کی ضرورت پر زور دیا ہے۔
آج اسلام آباد میں آزاد جموں و کشمیر سپریم کورٹ بار ایسوسی ایشن کے وفد سے گفتگو کرتے ہوئے انہوں نے وکلاء کی صلاحیتوں کو بڑھانے کے لیے جدید تربیتی سہولیات اور آن لائن قانونی وسائل تک مفت رسائی کی ہدایت کی۔
جسٹس یحییٰ آفریدی نے فیصلہ سازی کے فورمز میں وکلاء کو شامل کرنے کی اہمیت پر بھی زور دیا تاکہ نظام انصاف کی بہتری کے لیے پالیسی فیصلوں پر موثر عمل درآمد کو یقینی بنایا جا سکے۔
اس موقع پر اے جے کے ایس سی بی اے نے مسئلہ کشمیر کے قانونی پہلوؤں اور متعلقہ پالیسی معاملات پر غور و خوض کے لیے آزاد جموں و کشمیر میں ایک عدالتی کانفرنس منعقد کرنے کا اعلان کیا۔
جسٹس یحییٰ آفریدی (ٹی) وکیل (ٹی) پیشہ ورانہ تربیت
