پی ٹی آئی میں گروپنگ کی کوئی گنجائش نہیں، جنید اکبر

تحریکِ انصاف خیبر پختونخوا کے صدر جنید اکبر نے کہا ہے کہ پی ٹی آئی میں گروپنگ کی کوئی گنجائش نہیں۔

پشاور میں میڈیا سے گفتگو کرتے ہوئے جنید اکبر نے کہا کہ صوابی جلسہ کامیاب تھا، جلسے سے متعلق رپورٹس مانگی ہیں، غیر تسلی بخش کارکردگی والوں کو آگے جانے نہیں دوں گا۔

جنید اکبر نے کہا کہ پارٹی میں رہنا ہے تو محنت کرنی ہوگی، شکیل خان ایماندار شخص ہے، ان کے ساتھ اب بھی کھڑا ہوں، شکیل خان کے حق کے لیے بولوں گا کسی کو اچھا لگے یا برا۔

انہوں نے کہا کہ صوابی جلسے میں توقعات سے زیادہ لوگ آئے تھے۔

اس موقع پر صحافی نے سوال کیا کہ اراکین اسمبلی کو جلسے کے لیے فنڈز فراہم نہیں کیے گئے؟

جنید اکبر نے کہا کہ اگر کسی نے یہ کہا کہ مجھے فنڈز نہیں دیے گئے تو وہ سیاست چھوڑ کر دکان کھول لے، پیسوں سے سیاست کرنے والے لوگ پارٹی کے نام پر دھبہ ہوں گے۔

انہون نے یہ بھی کہا ک محنت نہ کرنے والوں کا راستہ روکنے کے لیے ہر حد تک جاؤں گا۔