ریسکیو آپریشن کے نتیجے میں انسانی اسمگلروں کو بھی گرفتار کر لیا گیا، فائل فوٹو
بدھ 19 فروری 2025, 7:35 شام
تہران: ایران میں 4 پاکستانی شہریوں کو انسانی اسمگلروں سے بازیاب کرا لیا گیا ہے۔
پاکستانی سفارتخانہ نے ایران حکومت کے ساتھ مل کر انسانی اسمگلروں کے خلاف کامیاب کارروائی کرتے ہوئے 4 پاکستانی شہریوں کو بازیاب کرا لیا، بازیاب کرائے گئے افراد میں غلام مصطفیٰ تبسم، محمد سہیل، محمد ارسلان اور محمد خرم شامل ہیں،
ریسکیو آپریشن کے نتیجے میں انسانی اسمگلروں کو بھی گرفتار کر لیا گیا، پاکستانی شہری قانونی طور پر ایران آئے جہاں انسانی اسمگلروں نے اغوا کر لیا۔
انسانی سمگلروں نے شہریوں پر تشدد کیا اور ان کے اہل خانہ سے بھاری تاوان کا مطالبہ کیا، سفارت خانہ پاکستان اور حکومت ایران کی بروقت مداخلت سے ان کی جان بچ گئی۔
ایران میں پاکستان کے سفیر مدثر ٹیپو نے کہا کہ ایران آنے والے پاکستانی قانونی طریقے استعمال کریں، کسی بھی ناخوشگوار صورت حال میں پاکستانی سفارتخانے سے رابطے میں رہیں، شہری ہوشیار رہیں کہ انسانی اسمگلروں کا نشانہ نہ بنیں۔بازیاب کرائے گئے افراد نے پاکستانی سفارت خانے اور حکومت ایران کا شکریہ ادا کیا۔
