ملزم ارمغان عادی جرائم پیشہ نکلا،تفتیش میں انکشاف

کراچی: مصطفیٰ قتل کیس میں گرفتار ملزم ارمغان کا کرمنل ریکارڈ سامنے آگیا۔

نجی ٹی وی نے تفتیشی حکام کے حوالے سے بتایا کہ ملزم ارمغان عادی جرائم پیشہ ہے، ماضی میں بھی پولیس اور اے این ایف کے ہاتھوں گرفتار ہوچکا ہے، گرفتار ملزم ارمغان کیخلاف پہلے بھی انسداد دہشت گردی، اقدام قتل، منشیات فروشی، ڈرانے دھمکانے اور دیگر دفعات کے مقدمات درج ہیں۔

2019 سے 2024 کے دوران ارمغان کیخلاف درخشاں، ساحل، گذری، بوٹ بیسن اور اے این ایف تھانے میں 6 مقدمات درج ہوئے، ملزم ارمغان گذری میں واقع اپنی رہائش گاہ پر غیر قانونی سافٹ وئیر ہاو¿س اور کال سینٹر چلاتا رہا تھا۔

تفتیشی حکام کے مطابق سافٹ ویئر ہاوس اور کال سینٹر کے ذریعے ملزم ارمغان نے گزشتہ چند سال کے دوران غیر ملکی کلائنٹس سے کروڑوں ڈالر کا فراڈ کیا، ملزم ارمغان نے ڈیجیٹل کرنسی کی ہیر پھیر کیلئے درجنوں ڈیجیٹل کرنسی اکاو¿نٹس بنا رکھے تھے۔

ملزم ارمغان نے گرفتاری سے قبل گھر میں موجود تمام لیپ ٹاپس کا ڈیٹا ڈیلیٹ کرکے خالی کیا تھا، لیپ ٹاپس کو خالی کرنے کی غرض سے ملزم ارمغان نے پولیس سے 4 گھنٹے تک مقابلہ کیا تھا۔