کراچی،سراج الدولہ گورنمنٹ ڈگری کالج سراج الدولہ گورنمنٹ ڈگری کالج

کراچی میں سراج الدولہ گورنمنٹ ڈگری کالج میں نظر انداز اور ویران میدان کو اربن فارسٹ میں تبدیل کر دیا گیا ہے۔ کالج کے طلباء، اساتذہ اور سماجی تنظیم دعا وفاونڈیشن کی مشترکہ کوشش ماحولیاتی تبدیلی کے بڑھتے ہوئے چیلنجوں سے نمٹنے کے لیے دوسروں کے لیے ایک ماڈل ہے۔

کالج کے پرنسپل عرفان احمد اور منصوبے کے انچارج سوشیالوجی لیکچرار محمد عمار کا کہنا ہے کہ ہم تیزی سے اپنے وسیع کالج کے میدانوں کو ایک شہری جنگل میں تبدیل کر رہے ہیں۔

دعا فاونڈیشن کے ڈاکٹر فیاض عالم اور عامر خان نے کہا کہ فی الحال، اربن فارسٹ میں تقریباً 100 درخت ہیں، اور ہم مزید سو پھولوں اور پھلوں والے درختوں کا اضافہ کر رہے ہیں۔ ان میں گل مہر، املتاس، چمپا، السٹونیا، کیسیا گلوکا، سکھ چین، ، سوہانجنا، زیتون، جامن، انجیر، بادام اور شہتوت شامل ہیں۔ یہ سب کراچی کے ماحول کے لیے موزوں ہیں اور علاقے میں حیاتیاتی تنوع میں اضافہ کریں گے۔

شہری جنگل کا نام کالج کے سابق پرنسپل پروفیسر لطف اللہ کے نام پر رکھا گیا ہے، جن کے خاندان نے اس منصوبے میں دلچسپی ظاہر کی ہے اور مالی مدد بھی فراہم کی ہے۔