پارلیمنٹ ہاؤس کی راہداریوں میں ویڈیوز بنانے پر پابندی عائد

اسلام آباد: پارلیمنٹ ہاوس کی راہداریوں میں موبائل فون ویڈیوز بنانے پر پابندی عائد کر دی گئی۔ خلاف ورزی پر موبائل فون ضبط کرلیا جائے گا۔

قومی اسمبلی سیکرٹریٹ نے پارلیمنٹ ہاؤس کی راہداریوں میں موبائل فون ویڈیوز بنانے پر پابندی عائد کر دی۔ ترجمان کے مطابق اس فیصلے کی خلاف ورزی کرنے پر موبائل فون ضبط کر کے پارلیمنٹ میں داخلے پر پابندی بھی لگائی جائے گی۔

ترجمان نے بتایا کہ اسپیکر قومی اسمبلی نے ارکان پارلیمنٹ کی شکایات پر سخت نوٹس لیتے ہوئے یہ فیصلہ کیا ہے۔ ان کا کہنا تھا کہ بعض صحافی اراکین کی رضا مندی کے بغیر انٹرویوزاورتاثرات ریکارڈ کرتے ہیں جس پراراکین قومی اسمبلی نے اسپیکرکو شکایات اور خدشات سے آگاہ کیا۔